انواع البيتزا

سلاطتي لي فزت بيها فواحد المسابقة أكثر من رائعة

مرحبا بكم
موقع أم مروان لكل ما يهم المرأة العربية يقدم لكم

 سلاطتي لي فزت بيها فواحد المسابقة أكثر من رائعة
 
 

مرحبا ببكم البنات اليوم جبتلكم سلاطتي لي فزت بيها فواحدالمسابقة نتمنى تعجبكم احتا نتوما نبداو على بركة الله  
المقادير بسيطة
 مافيها احتا شي تكلف واللي هي
 البطاطا 
الروز
 الباربا 
الجلبانة
 خيزو
 الدرة 
والطون 
وكلهم يتسلقو مع مليحة كل واحد بوحدو ويتصفاو ويبردو طبعا ونزيد لهم الطون والبطاطا والروز نزيدلهم المايونيز والكمية عينك ميزانك على حسب المول لي عندك وعلى فكرة غادي نستعملو المول لي كيتحل
نسلقو البطاطا نخليو شوية للطبقات ولي بقا نرفسوه مزيان مع شوية الزيت زيتون ولا زيت الطون

 
 ندهنو المول بالزيت الطون ولا العادي ونلصقو عليه البطاطا من كل الجوانب
 
 نبداو نحطو الطبقات والترتيب ماشي مهم 

 
 الجلبانة

البطاطا


 
 خيزو

 
 الروز

 
 الباربا مخلطا مع الذرة

 
 الطبقة الاخيرة هي البطاطا المرفوسة باش نسد على الطبقات

 
 نضغطو عليها شوية ونغطيوها بالالمنيوم وندخلوها للمجمد تشد راسها غير شوية ونخرجوها باش تجينا ساهلة فالتزيين
 
 وها هي منين نزولوها من المول بعدما بردات
 
 دابا ندوزو للتزيين
كنطليوها كلها بالمايونيز ووباش نحصلو على داك اللون كنزيدو الكيتشوب او الطماطم ديال العلبة كتكون حلوة مع المايونيز حتى تحصلي عل اللون لي بغيتي ودهني الوجه وتعملي دوائر بالمايونيز عادي زواقة ديال الميل فاي خلاص كلشي عارفها 

 
 
بالصحة والراحة

ليست هناك تعليقات:

إرسال تعليق

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.